BENNY NISBET(PPA):
“DIVERSIFICACION DI NOS ECONOMIA LO RICIBI AMPLIO ATENCION DI PARTI DI PPA!”
LANTANDO UN MINISTERIO CU INDUSTRIA Y COMERCIO DEN E TITULO LO FORZA UN ATENCION ENORME PA E SECTORNAN AKI Y ASINA JEGA NA DIFERSICACION DI NOS ECONOMIA.
Partido PPA a accentua un maneho economico na unda lo pone atencion formal riba diversificacion di nos economia.
Como unico partido PPA a propone pa restructura nos ministerionan di tal forma cu lo mester tin un Ministerio encarga cu Economia, Turismo, Industria y Comercio. Cu otro palabra concretamente PPA ta di opinion cu e acoplacion di Finanzas y Economia NO a sirbi interes economico di pais Aruba.
PPA lo crea pues un ministerio encarga cu nos economia den su totalidad, esta tanto nos turismo pero cual lo mester pone atencion riba e diversificacion pesey mes PPA ta pone “ Industria y Comercio” den e titulo di e ministerio.
Turismo:
PPA lo diversifica nos turismo den diferente forma.
Nos lo diversifica nos producto turistico ! Agregando un maneho dinamico riba tereno di MCI (convencions) y riba tereno di Health & Wellness” y lo dedica atencion pa hasi Aruba un “golfersdestination”. Lo diversifica nos mercadonan esta for di unda Aruba ta mercadea y trece nos turistanan.
Lo eleva e destino turistico di nos pais y lo hasi Aruba un destinacion turistico SIN off season.
Lo sigui stimula cruise tourism pa desaroyo di nos pais.
Lo nombra un Aruba Nacional Toursim Advisory Board unda tur instancia imporrtante(actor) por contribui na e maneho di gobierno cu conseho.
Diversificacion cu otro pilarnan:
PPA lo diversifica nos economia poniendo accento riba un maneho pa juda crea otro fuente economico pa nos pais, cualnan den curso di tempo lo por desaroya nan mes den un otro pilar economico pa nos pais.
PPA su maneho lo ensera:
1. Aruba como ‘Hong Kong” di Caribe…un vision di PPA unda dor di muda e haf di Containerhaven pa Barcadera y concentra tanto e Barcadera Containerhaven, Barcadera Free Zone y un Aruba World Trade Center banda di nos Aeropuerte Internacional lo por crea cu Aruba lo por bira un player internacional riba tereno di “internacional trade” tanto for y di Aruba.
2. Lo dirigi un maneho pa stimula desaroyo di e ICT market na Aruba y crea e fundeshi for di unda Aruba lo por duna e mercado internacional cierto servicio cual lo por desaroya su mes na un otro pilar economico di nos pais.
3. PPA ta kere den desaroya un Financial Center ! Cual tambe lo por bira un pilar economico den futuro. PPA lo duna mas splicacion mas abao riba e materia importante aki.
4. PPA lo desaroya Aruba como un actor importante riba e tereno di “knowledge/conocemento”.
PPA lo hasi Aruba un actor den regio riba varios tereno:
A. lo jega un un planta di television regional cu lo manda noticia di tur Isla den Caribe pa otro, un sorto di CNN den caribe. Si logra esaki Aruba lo tin un instrumento serio pa desaroya su mes ainda mas den region.
B. Lo jega na Universidadnan unda e idioma di instruccion lo bira p.e. Ingles y/of spano…esaki pa garantisa cu studiante di otro isla tambe lo por bin Arubna pa sigui nan estudionan. PPA ta boga pa Aruba logra un Universidad riba tereno di Idioma y un asina jama business University.
Financial Center:
Aruba ja kaba tin ingredientenan importante pa por logra esaki.
PPA ta propone un secretario di estado pa atende e vision y projecto importante aki.
Den un otro articulo PPA lo profundisa den esaki !
Asina PPA ta mustra cu nos organisacion ta uno cu vision cu sa con pa goberna riba un variacion di tereno.
Pueblo por tin confianza cu nos experiencia lo contribui na un miho Aruba . Un rumbo sigur ta locual nos ta ofrece nos pueblo.
Aruba, 20 di September 2009 Lider Politico di PPA
BENNY NISBET