BENNY NISBET(PPA):

“PPA LO EJECUTA UN INTERNACIONAL FINANCIAL CENTER PA DIVERSIFICA NOS ECONOMIA !”

PPA LO NOMBRA UN SECRETARIO DI ESTADO ENCARGA SPECIFICAMENTE CU DESAROYO Y MANEHO DI UN FINANCIAL CENTER. TAMBE PPA LO INSTALA UN “ORGANO” DI PROFESSIONAL PUBLICO Y PRIVA PA HUNTO COOPERA, HASI ESTUDIO  PA LOGRA E META AKI.

Den cuadra di nos maneho di diversificacion di nos economia, PPA lo hiba un maneho riba tereno finananciero y economico unda lo jega na un centro internacional financiero.

Artuba ja caba tin ingredientenan importante pa por logra esaki, manera (leynan fiscal cu ta cumpli cu normanan internacional, un departamento encarga cu asuntonan di Financial Center(ACF/high commissioner), banconan comercial, service providers (trusts, abogadonan, firmanan di accountancy belastingadviseurs renombra)  poblacion trahado bon educa.

ORGANO CU PARTICIPANTE DI SECTOR PUBLICO Y PRIVA:

Lo mester bin cu un ‘organo cu participantenan di sector publico/sector priva pa traha ariba un plan integral pa promove Aruba como un International Financial Center.

E ‘organo’ lo mester tin un propio budget  pa hasi estudionan, pidi consehonan di proffesionalnan cu experiencia (internacional) di sector financiero.

STAATSSECRETARIS DI FINANZAS:

Tambe lo ta bon pa bin cu un Staatssecretaris di Financien (manera Hulanda of Corsow) cu ta encarga cu belasting y dus tambe desaroolo di nos International Financial Center.
E staatssecretaris hunto cu e ‘organo’  sector publico/sector pirva lo mester bay traha concretamente na e.o. ;

- tratadonan fiscal(belastingverdragen) y ‘tax informacion exchange agreements’ cu primordialmente paisnan cu relevacia economico pa Arubal;

- desarollo di productonan (leynan) nobo fiscal y promove esaki effectivamente  ariba mercado;

- desarollo di e niche di ‘registration di avion’ actualmemnte ja presente,

- analisa desarollo di un E-zone;

Un vez mas PPA lo crea  dos instrumento cu lo mester coopera hunto pa jega na e Centro Financiero Internacional aki na Aruba.

Un instrumento  esta un organo  di professional di sector financiero  pa hasi cierto trabao.

Y dos un instancia di gobierno pa guia e proceso y esaki lo bai den man di un “secretaris di estado encarga constitucionalmente cu esaki”

Cu e maneho y esfuerzo menciona aki, PPA ta bolbe demonstra di ta e UNICO partido cu ta presenta  tanto vision como ideanan pa diversifica e economia di nos Isla.

Pueblo mester scoge un partido cu “experiencia” y nos organisacion ta e alternativa di mas serio cu nos pueblo tin den e epoca aki pa jena e vasio aki.

Pesey pueblo di Aruba scoge un alternativa pa goberna cy seriedad y experiencia y no gana e caminda di aventurero.

Palabra ta nos pueblo. Hunto nos lo por !

Aruba, 20 september 2009                              Lider Politico di PPA

                                                                          BENNY NISBET