BENNY NISBET(PPA):

“UN MIHOR EPOCA  SOCIAL Y ECONOMICAMENTE TA DILANTI PORTA !

CAMBIO TA NA HORIZONTE  ! E TA NA SKINA DI CAYA ….E TA BATI NA BO PORTA……  E TA DEN BO MAN.

SI ABO USA BO DERECHO DI VOTA REALMENTE PA TRECE UN CAMBIO DEN E NIVEL POLITICO ARUBANO, ELEVA NOS DEMOCRACIA…….ABO POR TRECE CAMBIO AWE.

E dia grandi a jega…..e dia pa nos pueblo tuma e decision…

Riba varios pregunta: Pueblo kier un gobernacion di un partido so atrobe ?

Ki sorto di gobernacion realmente pueblo ta desea ? Unda exactamente e elemento di cambio ta drenta e necesidad den e arena politico arubano ?

E contesta riba e pregunta si pueblo kier un gobernacion di un partido so atrobe den concepto humilde di PPA ta hopi cla…….e deseo ta  biba den pueblo awor pa tin un gobierno di coalicion.

Un gobierno unda ta reina e respet necesario pero unda tin e control riba otro debido ! Unda e control di parlamento ta funciona profundamente.

Ki sorto di gobernacion realmente pueblo ta desea ?

PPA ta kere cu pueblo lo scoge pa un gobernacion na unda e ser humano realmente ta central, ! Na unda progreso contrario na e ultimo 25 ana realmente mester worde reparti cu henter nos pueblo arubano. Na unda e trahador arubano realmente ta ricibi su “fair share”.

Na unda Ensenansa ta prioridad no. 1.

Na unda  lo mester tin un maneho social unda e famia y nos hubentud ta central. Na unda gobernacion ta busca pa soluccion profundo di e problematica social cu ta biba den nos comunidad.  Un maneho pa eleva bida di nos grandinan den diferente forma

Na unda drogadiccion y su consecuencianan ta worde ataca frontal pa gobernacion  cu e meta di crea oportunidadnan nobo pa e grupo cu a cai na droga. Un maneho cu mester ta un esfuerzo di henter un sociedad cu kier salba e genereacionan cu lo sigui nos.

Con pueblo lo desea pa nos maneho economico desaroya su mes ?

Partido PPA por garantisa nos pueblo…cu e miho epoca economico ainda ta nos dilanti. E vision di partido PPA pa diversifica nos economia….ta e vision mas cla cu cualkier otro partido politico a presenta.

Aruba, Hong Konog den Caribe cu Internaciona trade na y for di Aruba.

Desaroyo di un sector di ICT cu servicio na e munda internacion for di Aruba.

Desaroyo di un  financial center riba nos Isla.

Diversificacion di nos industria turistico mehorando e producto turistico di nos isla, cu e MCI convencion market, Health and Wellness sector y aruba como un golfers destinacion, tur esaki lo juda eleva e cuponan di trabo cu Aruba tin disponibel

Lo mas importante den concepto di PPA lo keda e ambiente politico arubano y e nivel di nos democracia arubano.

PPA ta kere den e concepto “cambio real” cual ta nifica respet pa otro,coordinacion cu tur y sirbi bienestar general riba nos Isla.

Eleva democracia por worde  sirbi door di introduci un ley cu lo hiba e titulo di un “plataforma nacional”  y cual ley lo mester garantisa pueblo y tur gremio riba un participacion directo den un proceso pa introduci cualkier concepto of maneho cu ta mishi cu aspectonan nacional.

PPA ta convenci cu e miho epoca di Aruba ainda ta dilanti porta !

Vota pa un coalicion !

Consecuentemente scohe den e partido politico chikitu !

Analisa con ‘zwak” MPA y RED tabata den parlamento 4 ana largo.

Analisa unda e  vision di “integra den Europa” di AVP, RED y Democracia Real lo a hiba nos.

Conclussion lo mester ta cu e  Rumbo Sigur di e partido Orange lo mester ta e alternativa cu pueblo lo scoge pele.

E miho epoca economicamente y socialmente ainda ta para dilanti porta !

E cambio ta den man di pueblo arubano.

Aruba, 24 september 2009                                   Lider Politico di PPA

                                                                               BENNY NISBET