BENNY NISBET(PPA):
“PPA SU MANEHO LO DEDICA ATENCION NA TUR INSTANCIA DEPORTIVO, ACUERDO NACIONAL Y UN INSTITUTO(SCOL) PA DEPORTE “
INVOLVIMENTO DI TUR, PARTICIPACION CONSTANTE NA TUR ORGANISACION LO CARACTERISA E MANEHO DI PPA RIBA TERENO DEPORTIVO.
“Deporte den Movicion” otro capitulo/folder di e programa di PPA pa eleccion 2009 y e periodo 2009 – 2013. E folder aki por worde baha for di e website di PPA “ppa-aruba.org”.
Deporte segun PPA ta worde mira como un instrumento pa active hende den un sociedad. Deporte ta worde consdiera como e yabi pa uni un sociedad cu ta hopi individualisa. Tur hende cu diferente personalidad y status ta topa otro ora di hasi deporte. Evenemento grandi y bon prestacion di nos atletanan ta bon pa e prestigio di Aruba. Tur esaki ta pidi pa un maneho moderno riba tereno di deporte. Un maneho cu ta tene cuenta cu e cambio di nos costumber y tradiccion.
Maneho di PPA:
Saliendo for di e situacion real di e situacion deportivo Arubano actual mester tene cuenta cu e rolnan di Aruba Sport Uni y Instituto pa Deporte Educacion Fiscio y Recreacion, Loto pa Deporte y e Ministerio di deporte y C.O.A Comite Olimpico Arubano. Kada uno ta hasi un maximo esfuerzo pa drecha e clima deportivo na un manera structura hacienda uso di un maneho moderno.
PPA su maneho lo ensera:
1. Apesar cu cada instancia menciona tin nan meta defini den nan statuto, PPA ta di opinion cu lo mester evalua y defini e tarea/trabao pa cada un di e instituto menciona.(esun di comite olympico ta regla internacionalmente caba);
2. Institucion di un Conseho Nacional di Deporte (basa riba e concepto di un Plataforma Nacional).
Finanzas di Gobierno pa Deporte:
PPA lo reintroduce un maneho unda riba prespuesto di IDEFRE, PPA lo percura cu worde poni un suma di placa pa inverti anualmente den proyectonan riba tereno deportivo.
E tarea di e Conseho Nacional di Deporte lo encera:
* Desaroyo hunto cu e organisascion existente menciona nos deporte positivamente cu accento riba profesinolismo den e trabao;
* Sincronisa y centralisa trabaonan cual lo trece mas recurso humano y miho control riba e parti financiero.
*Acumula analista datonan relevante pa cu nos deporte.
* Haci investigacion relaciona cu salud na scolnan y na diferente organisacionan;
* Organisa hunto cu organisacionan congreso, cursonan etc;
* Sostene e bondnan y atletanan financieramente pa por participa den competencianan regional y internacional.
* Duna subsidio pa cabes di mucha/hoben/grandi(50 ana riba personanan cu limitacion den tur clase di forma y na organisacion deportivo den barionan;
* Pone entrenadornan diploma na disposicion di e diferente bondnan.
Crea un instituto school pa Deporte na Aruba:
PPA su gobernacion lo invita Arubaanse Sport Unie (ASU), Lotto pa Deporte, Comite Olimpico Arubano y Idefre pa hunto cu Gobierno funda un institucion scol pa Deporte Arubano cu e siguiente meta:
- pa organisa hunto cu e organisacionnan deportivo cursonan riba tur nivel deportivo pa forma nos dirigentenan deportivo;
- pa sostene y guia nos atletanan continuamente;
- Desaroyo cursonan pa nos coachnan y trainer deportivo, segun filosofia di “Train the trainer”.
- Stimula e trabao di educacion fisico di e maestro professional cu lo sigui despues di oranan di trabao;
- Stimula y sostene desaroyo di clubnan deportivo, centronan di bario y desaroyo di deporte en general;
- Organisa congreso, curso, tayer, workshops, conferencia pa e.o. crea lider deportivo eleva conscientisa importancia di deporte;
Algun projecto specifico cu PPA lo construi of lo percura cu nan worde construi:
A. Un veld di “little league” den Centro di San Nicolas;
B. Upgrade Joe Laveist Sport Park na un Centro di Deporte den tur sentido di palabra;
C. Construi un “racing track” pa bicicleta na un sitio indica cual lo worde determina entre gobierno/Idefre y e representacion di e deporte di ciclista posibelmente na Sta. Cruz.
D. Construccion di un red pa bicicleta y ciclismop cu lo cubri un area extensor, pa hasi deporte y alavez alivia trafico, compana cu campanan pa incentive e deporte aki.
E. Lo construi un Vedlodrume (Centro di Ciclismo) paden na St Nicolas.
F. Construi centronan y canchanan dedica na deporte di atletismo den diferente districto di Aruba;
G. Crea den cada districto lugarnan specifico tambe pa medio dif rena trafico asina jama sitionan unda e pueblo por bai cana pa mehora nan salud of pa recreacion;
H. Dedica atencion na deporte pensativo (Denksport)
I. Construi canchanan di tennis, volleyball y basketball den diferente bario y districto di nos isla.
J. Re-construccion di basketball velt den Villagen(rubber cement floor);
K. Desaroya un gymzalen project den tur districto di Aruba;
L. Piscina publico na Paradera;
Centro di Gobernacion pa Deporte combina cu un Instituto pa Deporte (IDA) lesa: folder di Infrastructura etc di PPA:
Finalmente PPA lo construi un Centro di Gobernacion pa Deporte Arubano. Un Centro for di unda Gobernacion, Ministro di Deporte y Idefre lo ta situa pa maneja deporte riba nos Isla.
Un
centro unda otro instancia deportivo por hana e infrastructura y fascilidadnan
necesario pa nan tambe funciona uy guia na un forma professional.
Na mes momento e Instituto pa Deporte (IDA) lo worde construi hunto of banda di
e centro di Gobernacion arubano pa Deporte.
Tur esaki lo ta un projecto grandi cu lo worde construi na Dakota Tarabana.
Aruba, 21 di September 2009 Lider Politico di PPA
BENNY NISBET